Барыллаан куоластааһыҥҥҥа дойду үрдүнэн 55 эрэгийиэн кыттыыны ылбытыттан Уһук Илин 2 өрөспүүбүлүкэтигэр – Саха сиригэр уонна Бурятияҕа муҥутуур элбэх киһи куоластаабыт. PG.ER.RU сайтка ыам ыйын 22 – 28 күннэригэр 90034 Саха сирин олохтооҕо куоластаата диэн «БИИР НЬЫГЫЛ АРАССЫЫЙА» Саха сиринээҕи салаатын пресс-сулууспата иһитиннэрэр.
Барыллаан куоластааһыҥҥа Саха Өрөспүүбүлүкэтин Ил Түмэн Судаарыстыбаннай Мунньаҕын сэттис ыҥырыытын 18 №-дээх Томмоттооҕу биир мандааттаах быыбардыыр уокурук дьокутаатын быыбарыгар «Саха» НКИХ генеральнай дириэктэрэ Олег Олегович МАРКОВ 2431 куолаһы ылла. Уу тырааныспарын Сибиирдээҕи судаарыстыбаннай университетын устудьуона Иван Сергеевич ТИТОВ иһин 80, М.К.Аммосов аатынан Хотугулуу-Илиҥҥи Федеральнай университет устудьуона Павел Дмитриевич ТИХОНОВ иһин 73 киһи куоластаата.
Саха Өрөспүүбүлүкэтин Ил Түмэн Судаарыстыбаннай Мунньаҕын сэттис ыҥырыытын 18 №-дээх Томмот эрэгийиэннээҕи бөлөҕүн дьокутаатын быыбарыгар «Арассыыйа Наукаларын академиятын Сибиирдээҕи салаатын Саха сиринээҕи научнай киинэ» ФГБУН Федеральнай чинчийэр киинин генеральнай дириэктэрин уопсай боппуруостарга солбуйааччыта Тихон Николаевич СКРЯБИН 2176 куолаһы ылла. «Саха сирин тимир суоллара» аахсыйалаах хампаанньа» генеральнай дириэктэрин каадырга уонна социальнай боппуруостарга солбуйааччыта Владимир Петрович МИРОШНИК иһин 380 киһи куоластаата.
Саха Өрөспүүбүлүкэтин Ил Түмэн Судаарыстыбаннай Мунньаҕын сэттис ыҥырыытын 26 №-дээх Мэҥэ Хаҥаластааҕы биир мандааттаах быыбардыыр уокурук дьокутаатын быыбарыгар СӨ Судаарыстыбаннай Мунньаҕын (Ил Түмэн) норуодунай дьокутаата, Тыа сиригэр уонна аграрнай бэлиитикэҕэ сис кэмитиэт бэрэссэдээтэлэ Андрей Михайлович НАХОДКИН 1061 куолаһы ылла. «Успуорт резервэтин бэлэмнээһиҥҥэ өрөспүүбүлүкэтээҕи киин» ГБУ дириэктэрэ Василий Иванович ЕГОРОВ иһин 404, «Эгди» үөрэтэр-сырдатар технология инновационнай киинэ» АНКО дириэктэрэ Алеся Петровна СОСИНА – 122, «Ф.Г.Охлопков аатынан Майа орто оскуолата» МБОУ үөрэтэр-иитэр үлэҕэ дириэктэри солбуйааччыта Олег Сергеевич ПЕТРОВ – 67, М.К.Аммосов аатынан Хотугулуу-Илиҥҥи Федеральнай университет устудьуона Василий Васильевич СКРЯБИН иһин 50 киһи куоластаата.
Саха Өрөспүүбүлүкэтин Ил Түмэн Судаарыстыбаннай Мунньаҕын сэттис ыҥырыытын 26 №-дээх Мэҥэ Хаҥалас эрэгийиэннээҕи бөлөҕүн дьокутаатын быыбарыгар «А.Д.Макарова аатынан Дьокуускайдааҕы култуура уонна ускуустуба колледжа» ГБПОУ дириэктэрэ Захар Николаевич НИКИТИН 952 куолаһы ылла. «Мэҥэ Хаҥалас улууһа» муниципальнай оройуон дьокутааттарын сэбиэтин бэрэссэдээтэлэ Павел Данилович САЗОНОВ иһин 590, «Эгди» үөрэтэр-сырдатар технология инновационнай киинэ» АНКО дириэктэрэ Алеся Петровна СОСИНА – 105, «В.П.Ларионов аатынан Майа орто оскуолата» МБОУ дириэктэрин эбээһинэһин толорооччу Сергей Николаевич ГОРОХОВ иһин 70 киһи куоластаата.
Саха Өрөспүүбүлүкэтин Ил Түмэн Судаарыстыбаннай Мунньаҕын сэттис ыҥырыытын 29 №-дээх Бороҕоннооҕу биир мандааттаах быыбардыыр уокурук дьокутаатын быыбарыгар СӨ Судаарыстыбаннай Мунньаҕын (Ил Түмэн) норуодунай дьокутаата, Судаарыстыбаннай Мунньах (Ил Түмэн) Бэрэссэдээтэлин бастакы солбуйааччы Александр Николаевич ЖИРКОВ 3254 куолаһы ылла. Уус Алдан улууһун «СУ-77» ХЭУо генеральнай дириэктэрин сүбэһитэ Петр Иванович БУРНАШЕВ иһин 2106 киһи куоластаата.
Саха Өрөспүүбүлүкэтин Ил Түмэн Судаарыстыбаннай Мунньаҕын сэттис ыҥырыытын 29 №-дээх Бороҕон эрэгийиэннээҕи бөлөҕүн дьокутаатын быыбарыгар «Успуорт национальнай көрүҥнэригэр Манчаары Баһылай аатынан өрөспүүбүлүкэтээҕи киин» ГБУ дириэктэрэ, СӨ норуодунай дьокутаата Геннадий Анатольевич ВАСИЛЬЕВ 2793 куолаһы ылла. «Харбааһыҥҥа успуорт өрөспүүбүлүкэтээҕи анал оскуолата» ГБУ дириэктэрэ Петр Петрович ЧЕРКАШИН иһин 2224 киһи, Дьокуускай к.нэһиолиэнньэ көмүскэллээх буолуутугар уонна үлэҕэ управлениетын салайааччыта Семен Иванович МАТВЕЕВ – 442, «СК-КОНСАЛТИНГ» Дьокуускайдааҕы эрэгийиэннээҕи киин» ХЭУо генеральнай дириэктэрэ Сергей Гаврильевич СИВЦЕВ иһин 179 киһи куоластаата.
Бэс ыйын 8 – 9 күннэригэр буолар Ил Түмэн уочараттаах пленарнай мунньаҕар Саха Өрөспүүбүлүкэтин Ил Дарханын уонна Саха Өрөспүүбүлүкэтин норуотун дьокутааттарын быыбара ыытыллар күнүн-дьылын аныахтара.