Бу күннэргэ Москуба куоракка «Көмүс күһүн-2023» XXV Арассыыйатааҕы агропромышленнай быыстапка буола турар. Бу дойду үрдүнэн тыһыынчанан киһи сылдьар биир саамай улахан быыстапката буолар.
В.П.Ларионов аатынан Майа орто оскуолатын биология учууталлара Евсеева Анна Николаевна, Степанова Анна Викторовна, химия учуутала Игнатьева Айталина Варламовна оскуола агро хайысхатыгар өр сылга түмүллүбүт уопутун, үлэтин-хамнаһын, инновационнай үлэтин сырдатан үрдүк ситиһиини, кыайыыны аҕаллылар. Ол курдук, алын кылаас үөрэнээччилэригэр аналлаах «Агрономика» мэтэдиичэскэй үлэ үрүҥ көмүс, тыа отоннорун ураты ньыманан оҥорон таһаарыы үрүҥ көмүс, «Үнүгэс» утах боруонса мэтээллэринэн наҕараадаланнылар👏🥈🥈🥉🏆 Оскуола кэлэктиибин уонна үөрэнээччилэри дьоһуннаах, таһымнаах кыайыынан истиҥник эҕэрдэлиибит👏Ситиһиилэр сиэттиһэн кэлэ турдуннар.
Светлана Ефимова
