Балыктаах бөһүөлэгэр Мария Ивановна Макарова социальнай үлэһит идэтигэр үөрэнэн 2018 сылтан аҕам саастаах дьону кытта үлэлэһэр.
Дьиэлэригэр сылдьан көмөлөһөр. Туох кыһалҕалаахтарын билсэн бары өртүнэн күүс-көмө буолар. Көрөр дьонугар улахан үлэҕэ ыччаттары ыҥыран көмөлөһүннэрэр уонна тэрилтэлэри кытта сибээстэһэн, шефтэһэр. Быйыл сайын Марина Прибылыхха ыччаттары Анастасия Чалкинаны, Нарыйа Докторованы, Айсена
Кычкинаны көмөлөһүннэрэн дьиэтин тэрээһэтин тас өртүн кырааскалаатылар.
Кини көрөр-истэр бэтэрээннэрэ Мария Олесова, Вера Заровняева, Марина Прибылых, Римма Захарова, Марфа Харитонова, Егор Черкашин, Иннокентий Скрябин буолаллар.
Мэҥэ Хаҥалас улууһун нэһилиэнньэ көмүскэллээх буолууга управлениетын иһинэн дьиэҕэ социальнай өҥөнү ылар салаа Ийэ сылын чэрчитинэн аҕам саастаах көрөр дьонугар социальнай үлэһиттэр көмөлөрүнэн ийэлэрин туһунан ахтыыны суруйтаран, мунньан-таҥан «Ийэ диэн олох» хомуурунньугу таһаардылар. Хомуурунньукка 20 нэһилиэктэн 66 ахтыы киирбит. Балыктаахтан В.Г.Заровняева, М.С.Прибылых, Е.Н.Черкашин ийэлэрин туһунан истиҥ-иһирэх ахтыылара сурукка тиһиллэн өйдөбүнньүк буолан киирбит.
Мария Ивановна бөһүөлэккэ ыытыллар бары тэрээһиннэргэ актыыбынайдык кыттар. Быйыл култуура уонна успуорт эстэпиэтэтигэр олоҥхоҕо уонна чабырҕахха ситиһиилээхтик кыттыбыта. Кэргэнэ Сергей Сергеевич «Сахаспецтранс»тэрилтэҕэ тырахтарыыс, улахан кыыстара устудьуон, икки кыыстара оскуолаҕа үөрэнэллэр.
Мария Ивановнаҕа көрөр-истэр бэтэрээннэрэ истиҥ сыһыанын, көмөтүн иһин куруук махтаналлар, үлэтигэр ситиһиилэри баҕараллар.
Мария Захарова
