Ф.Г.Охлопков аатынан Майа орто оскуолатын 2 «б» кылааһыгар 31 оҕо үөрэнэр. Оҕо ааҕар дьоҕурун сайыннарарга, көҕүлүүргэ кылааспытыгар ааҕыы эйгэтин тэрийэбит. Нэдиэлэ күннэрэ барыта анал ааттаахтар:
Бэнидиэнньик ‒ «Дьоһуннаах кэпсэтии»
Оптуорунньук ‒ «Кинигэ түһүлгэтэ»
Сэрэдэ ‒ «Дьикти көстүү»
Чэппиэр ‒ «Дьиэ кэргэн түһүлгэтэ»
Бээтинсэ ‒ «Нэдиэлэ түмүгэ» төрөппүттэрдиин
Субуота ‒ Библиотечнай уруок
«Кинигэ түһүлгэтигэр» оҕолор араас кинигэлэри аҕалан үөрэ көтө кэпсииллэр. Саҥа кинигэ тахсыбытын, интэриэһинэй ис хоһоонноох айымньылары, сөбүлээн аахпыт кинигэлэрин түһүлгэтин олус сөбүлээн тэрийэбит. «Дьикти көстүү» күн араас уопуттары оҥоробут, эксперименниибит. «Дьиэ кэргэн түһүлгэтигэр» төрөппүттэрбит олус көхтөөхтүк кыттыһаллар. Ийэ, аҕа, оҕо бары тэринэн кэлэн дьиэ кэргэнинэн интэриэһинэй дьарыктарын, сөбүлээн ааҕар кинигэлэрин, оонньууларын көрдөрөллөр, кэпсииллэр. «Библиотечнай уруокка» оскуолабыт бибилэтиэкэрэ Бакычарова К.Д. уонна оҕо бибилэтиэкэтиттэн Дьяконова О.Н. тэрийиилэринэн кинигэни кытта хайдах үлэлииргэ, саҥа тахсыбыт, суруйааччылар айымньыларынан оҕону умсугутар тэрээһиҥҥэ кыттыһабыт.
Оҕолорбутугар ааҕыы эйгэтин тэрийэн ааҕар дьо5урбутун сайыннарабыт.
«Чуораанчык» сурунаалы бары кылааһынан суруйтарабыт. Сурунаалбытыгар элбэх оҕо улэтэ бэчээттэннэ. Тастыгин Саша «Мин эһэм ‒ Кыымаан булчут» тэттик кинигэтэ «Чуораанчык» сурунаал бэчээттэтэн таһаарда.
Елена Николаевна Чичахова,
2 “б” кылаас салайааччыта
