Алтынньы 3 күнүгэр «Саха» көрдөрөр-иһитиннэрэр хампаанньа «Эйгэ» биэриитэ кэлэн иһэр Учуутал күнүнэн Өрөспүүбүлүкэбит бастыҥ үлэлээх учууталларын түмэн, кинилэр уопуттарын сырдатан күөх экраҥҥа көрдөрдө. Биһиги, В.П.Ларионов аатынан Майа орто оскуолабытыттан, саха тылын уонна литературатын учуутала Семенова Марфа Николаевна кытынна.
Марфа Николаевна бэйэтин кылааһыгар 5-11 кылааска диэри “Юнармия” Бүтүн Арассыыйатааҕы оҕо байыаннай-патриотическай уопсастыбаннай хамсааһыны салайар. Кылааһын оҕолоро бу хамсааһын ыытар күрэхтэригэр, тэрээһиннэригэр кыттан элбэх ситиһиилээхтэр. Ону Марфа Николаевна биэриигэ сиһилии кэпсээтэ.
